زانیاری لە بارەی چاندنی تەماتە و بەکارهێنانی

زانیاری لە بارەی چاندنی تەماتە و بەکارهێنانی

تەماتە یەکێکە لەو سەوزانەی کە زۆرترین ڕێژەی بەکارهێنانی هەیە لە دنیادا

سەرەتا لە ووڵاتانی چیلی و ئیکوادۆر دۆزراوەتەوە

تەماتە زۆرترین ڕووبەری چاندن دادەپۆشێت چوونکە ڕێژەی بەکارهێنانی زۆرە لە ووڵاتان

ئەم هۆکارەی وایکردووە کە تەماتە زۆرترین رووبەری چاندنی هەبێت ئەمانەی خوارەوەیە

یەکەم: تەماتە خۆراکێکی ڕۆژانەیە
دووەم: شێوازی بەکارهێنانی زۆرە
بۆ نموونە
لە زۆربەی ووڵاتان تەماتە شێوەی بەکارهێنانی سێ جۆرە
یەکەم : فرێش ( واتا دوای ڕنینی یەکسەر بۆ ژەمی خواردن بەکاردێت) بەشێوەی زەڵاتە و یان وردکردنی بۆ مەرگە
دووەم: بەکارهێنانی بۆ دروستکردنی هەویری تەماتە یان دەڵێن دۆشاوی تەماتە
سێیەم: ووشکردنەوە کە  لە کوردستان بە لەتە تەماتە ناسراوە
هەروەها ئێستا ژمارەیەکی زۆر لە چێشتخانە و ڕیستۆرانتی چەند ئەستێرەیی دامەزراون کە تەماتە ژەمە خۆراکی سەرەکیانە کە پێشکەشی سەردانیکەرانی دەکەن
وەکو
لە شیشدانی و برژاندنی تەماتە
پیتزای تەماتە
مەرەگەی تەماتە
سۆسی تەماتە

هۆکارێکی تر کە وایکردووە تەماتە ببێتە ڕوەکێکی گرینک ئەمیش بوونی جۆری جیاوازە 

کە چەند جۆرێکی جیاواز  و ڕەنگی جیاوازی هەیە کە بە تام و بۆنی جیاواز

جۆرەکانی تەماتە
یەکەم: تەماتە سووری خڕ
دووەم: تەماتەی سووری زەنگوڵەیی
سێیەم: تەماتەی سووری چێری
چوارەم: تەماتەی سالمۆنی ئیتاڵی
پێنجەم: تەماتەی جۆری هێشوویی کە وەکو هێشووی ترێ وایە
شەشەم: تەماتەی چێری زەرد

تەماتە لە خێزانی ڕوەکە هەتاوییەکانە وەکو پەتاتە و بیبەر و باینجان و تووتن

لەسەدەی ۱۸ هەندێک کەس وابیریان دەکردەوە کە تەماتە ڕوەکێکی ژەهراوییە کە چوونکە ماددەی توماینی تێدایە بەڵام کاتێک میوەی تەماتە دروست دەبێت مەبەستم ئەو بەشە گۆشتنەی کە بۆ خواردن بەکاردێت ٫ماددەی توماتین لەناو دەچێت و دەگۆڕێت بۆ ئەنزیمێک

چاندنی تەماتە لە ئەمەریکا

لە ئێستادا نزیکەی ٤۰۰ هەزار ئێکار زەوی داچێندراو بەتەماتە لە ووڵاتە یەکگرتووەکان ئەمەریکا هەیە

ساڵانە نزیکەی ۱٤ ملیۆن تۆن بەس لە ئەمەریکا بەرهەم دێت

سوودەکانی تەماتە

تەماتە ڕێژەیەکی زۆر لە ماددە خوراکیە بە سوودەکانی تێدایە وەکو ڤیتامین و کانزاکان کە بە سوودن بۆ مرۆڤ

تەماتە بەوە ناسراوە کئ لە وەرزە گەرمەکان دەچێنرێت 

کێڵانی زەوی بۆ چاندنی تەماتە

تەماتە پێویستی بە خاکی نەرم و خاو هەیە تا بەئاسانی ڕەگەکی جێگیر بێت ٫تەماتە حەزی بە خاکی بە پیت هەیە هەروەها پێویستە زەویەکە زۆر باش بکێڵدرێت پێش چاندن

ئەگەر زەوی داچاندراو بە تەماتە کەستەکی گەورەی تێدابێت لەوانەیە ببێتە هۆی لاوازبوونی گەشەی تەماتە

ئامادەکردنی بابەت : امیر علی

ئەندازیاری کشتوکاڵی 

سەرچاوە
extension.uga.edu