بنەماکانی بەڕێوبردنی کێڵگە

بنەماکانی بەڕێوبردنی کێڵگە:

۱.دیاریکردنی ڕووبەری زەوی تەرخانکراو بۆ کێڵگە.
۲.دروستکردنی سیاج بەشێوەی سروشتی و دەستکرد.
۳.دانانی پلانێکی گشتگر بۆ بەڕێوبردنی کێڵگە.
٤.سەرچاوەی ئاو.
٥.نزیکی لە شار.
٦.شوێنی تایبەت بە ئاژەڵ و پەلەوەر..
۷.دانانی سیستەمی چاودێری بە شێوەی سروشتی و دەستکرد...

ڕووبەری کێڵگە:

زۆر گرنگە چوونکە وادەکات بتوانیت زۆر بە ئاسانی پلان و دیزاین دابنێیت ،هەروەها ئاسانکاریت بۆ دەکات تا زەویەکە دابەش بکەیت بەو سیستەمی کە خۆت پەسندی دەکەیت..

سیاج:

جۆرەکانی سیاج:
۱.سیاجکردنی دەرەوە:بریتیە لە سیاجکردنی هەر چوار دەوری کێڵگە بە شێوەیەکی دەستکرد کە تەل و ئاسن و دار بەکاردێت تا ڕێبگرێت لت هاتنەناوەوەی ئاژەڵ و مرۆڤی نەناسراو..
۲.سیاجکردنی ناوەوە:ئەم جۆرە سیاجکردنە بۆ دابەشکردنی زەویەکەیە بۆ چەند بەشێك بەپێی خواستی خاوەن کێڵگە..

سیاجکردنی سروشتی:بریتیە  لە چاندنی دار بۆ پاراستنی  کێڵگەکە لە ڕەشەبا.یان چاندنی ڕوەکی دڕکاوی بۆ پاراستنی کێڵگە لە هێرشی ورچ یان چاندنی بیبەری تیژ بە چوار دەوری زەوی چاندراو بە شووتی تا لە هێرشی ڕەوە بەراز لە ناوچە شاخاوییەکان..

پلانی گشتگر:

بۆ ئەوەی پلانێکی تۆکمەت هەبێت لە ماوەی چەند ساڵێکی دەوێ بۆ ئەمەش دەبێت کار بە دوو جۆر پلا بکەیت
۱.پلانی خێرا:چاندنی ئەو ڕوەک و دارانەی کە ماوەی پێگەیشتنی بەرهەمیان تەنها یەک ساڵە..
۲.پلانی درێژ خایەن:چاندنی ئەو دارانەی کە ماوەی پێگەیشتنیان بۆ سەرووی سێ ساڵە..
بۆ ئاژەڵ و پەلەوەریش هەمان شت دەکرێت سوودی لێوەرگیرێت..

....ئاو:ئەگەر سەرچاوەی ئاوی نەبێت ئیتر بۆ دروستکردنی کێڵگە ناشێت..

نزیکی لە شار یان بازاڕ:دەبێتە هۆی کەمبوونەوەی بڕی تێچوو هۆکارە بۆ قازانجی زیاتر وە بەرهەمەکەشت لە کاتی گونجاو دەگاتە دەستی کڕیار..

شوێنی ئاژەڵ و پەلەوەر:جیابکەرەوە تا زەویەکەت لە کاری نازانستی و نەشیاو بپارێزیت ،حەیوان نازانێت چی باشە و چی خراپە بۆیە دەبێت ڕێگا و شوێنی تایبەتیان هەبێت تا هەر ڕۆژە لە شوێنێکی کێڵگە نەخۆن .

سیستەمی چاودێری:بریتیە لە چاودێریکردنی هەموو بەشەکانی ناو کێڵگە  پاراستنی ئامێرەکان لە تێکچوون..پاراستنی پەلەوەر و ئاژەڵەکانیش لە دزی و ئاژەڵی دڕندە..دانانی سیاج و چاودێری ئەو سیاجە نەوەک لە شوێنێک سیاجەکە تێکدرابێت ..

ئامادەکردنی:ئەندازیاری کشتوکاڵی
امیر علی