چۆن جوتیار دەتوانێت خۆی لە شکستی کاری کشتوکاڵی بپارێزێت؟
سەرەتا دەبێت بزانین کاری کشتوکاڵی تەنها پشت بە زانست و خبرە و نابەستێت بەڵکو کۆمەڵێك هۆکاری تریش هەیە کە دەبنە کۆسپ لە بەردەم ئەو کەرتە:۱.نەبوونی خاکی پێویست.
۲.زۆربەی جوتیارەکان بەشێوی پشکی هاوبەش یان کرێ لەسەر زەویە کشتوکاڵیەکان کاردەکەن.
۳.باردۆخی ژینگە و باران بارینی ساڵ دوای ساڵ و وەرز بۆ وەرز.
٤.ڕێژەی باران بارین و کاتی پەڵە...
٥.بکارهێنانی پەین و گرانی نرخ لە کوردستان.
٦.نەبوونی دەزگایەکی چاودێری بەهێز لەسەر کۆمپانیا کشتوکاڵیەکان کە هەر کۆمپانیاو بەدڵێ خۆی نرخ دادەنێت.بۆ نموونە لە ساڵانی ڕابردووە هیومیک ئەسید بە ۳۹ دۆلار بوو بڵام ئێستا بەتەنها ۹دۆلارە !
چارەسەرێك بۆ کەمکردنەوەی ڕێژەی شکست:
۱.زەویەکەت دابەش بکە بۆ چەند بەشێکی یەکسان .۲.چەند جۆر ڕوەکی جیاواز بچێنە تا ئەگەر ڕوەکێک لە بازاڕ پارەی نەکرد بتوانیت سوود لە ڕوەکەکانیتر وەرگری(ئەگەر جوتیارێك بەس خەیاری هەبێت لەوانەیە لەم وەرزە خەیار زۆربێت کەواتە نرخی زۆر هەرزان دەبێت بۆیە زۆرێك لە جوتیارەکان دەڵێن بەرهەمەکانمان پارە ناکات هۆکارەکەی زۆری ئەو بەرهەمەیە).
۳.چاندنی ئەو جۆڕە ڕوەکانەی کە هەست دەکەی جوتیاری تر نایچێنێت.
٤.دوورکەوە لە چاندنی ئەو ڕوەکەی کە دەزانیت هەموو جوتیاری ناوچەکەت ئەو ڕوەکە دەچێنن.
٥.کاتی چاندن بگۆڕە ئەگەر خانووی پلاستیکیت هەیە.
٦.هەوڵدە پێش چاندن زەویەکەت فحس بکەی تا بزانیت ڕێژەی چەند پەینت پێویستە.
.۷زەویەکە بەشێوەیەک ئامادە بکە کە دڵنیابیت هیچ هۆکاری نەخۆشی تێدانیە وە دوورکەوە لە بەکارهێنانی تۆوی خراپ و تێکەڵ بە تۆوی ڕوەکی تر.
Comments